“Son müharibə zamanı Rusiya Ermənistan qarşısında bütün öhdəliklərini yerinə yetirdi”
“Ermənistan və “Artsaxın” (Qarabağın) təhlükəsizliyi Ermənistan-Rusiya strateji ittifaqına əsaslanır”. AYNA erməni mediasına istinadən xəbər verir ki, bu sözləri Ermənistanın Baş nazir Nikol Paşinyan deyib.
Paşinyanın sözlərinə görə Ermənistan və “Artsax”ın təhlükəsizliyi Ermənistan-Rusiya strateji birliyinin tərəfdaşlığına əsaslanır: “Təhlükəsizlik sistemimizin ən vacib hissələrindən biri birləşmiş Ermənistan-Rusiya qüvvələr qrupudur. Ermənistana hücum Rusiyaya hücum deməkdir”.
“Rusiya sülhməramlı kontingentinin Qarabağa yerləşdirilməsi də təhlükəsizlik üçün əhəmiyyətli zəmanətdir. Son müharibə zamanı Rusiya Ermənistan qarşısında bütün öhdəliklərini yerinə yetirdi”, - Paşinyan vurğulayıb.
Baş nazir əlavə edib: “Ermənistan-Rusiya tərəfdaşlığı güclüdür, həmişə güclü olub və bu, davam edəcək. Rusiya bizim müttəfiqimizdir, qardaş dövlətimizdir”.