Müxalifət lideri Şeremetyevo hava limanında saxlanılıb
Rusiya müxalifətinin lideri Aleksey Navalnı saxlanılıb. Bu barədə AYNA Rusiya mediasına istinadən bildirir.
Müxalifət lideri bu gün Almaniyadan Moskvaya təyyarə ilə gələn zaman hava limanında saxlanılıb.
Navalnı Şeremetyevo hava limanında Rusiya Federal Penitensiar Xidmətinin Moskvadakı əməliyyat axtarış şöbəsinin əməkdaşları tərəfindən axtarışda olduğuna görə nəzarətə alınıb.
Qeyd edək ki, Navalnı ötən ilin avqust ayında Rusiyada zəhərlənmə diaqnozu ilə xəstəxanaya yerləşdirilmişdi. Vəziyyəti ağırlaşan müxalifət lideri təcili Almaniyaya aparılmışdı. Araşdırma nəticəsində Navalnının qanında “Noviçok” zəhəri açkarlanmışdı. 6 aydır ki, Almaniyada müalicə alan Navalnı sağaldıqdan sonra Rusiyaya dönmək qərarı verib.