Sürücü barəsində materiallar qərar verilməsi üçün məhkəməyə göndərilib
Samuxda narkotik vasitənin təsiri altında avtomobil idarə edən sürücü saxlanılıb. AYNA xəbər verir ki, bu barədə Daxili İşlər Nazirliyinin (DİN) Mətbuat Xidmətinin Gəncə regional qrupundan bildirilib.
Qeyd olunub ki, Samux Rayon Polis Şöbəsinin Dövlət Yol Polisi Bölməsinin əməkdaşları yol hərəkəti qaydalarını pozduğu üçün "LADA" markalı avtomobilin sürücüsünə "saxla" işarəsi verib.
Sürücü A.Süleymanov tibbi müayinədən keçirilən zaman onun narkotik vasitələrdən istifadə etdiyi də məlum olub. Onun barəsində toplanmış materiallar qərar verilməsi üçün məhkəməyə göndərilib.