Nikolae Popesku sanksiyaların nədən ibarət olacağını açıqlayıb
Yaxın vaxtlarda Moldova bir sıra Rusiya vətəndaşlarına qarşı Avropa İttifaqının əlavə məhdudiyyətlərinə qoşulmaq niyyətindədir.
AYNA-nın məlumatına görə, bunu baş nazirin müavini, xarici işlər və Avropaya inteqrasiya naziri Nikolae Popesku “Azad Avropa” radiosunun efirində deyib.
“Söhbət əsasən Moldovaya girişin qadağan edilməsi, bank hesablarının və ya aktivlərinin bloklanmasından gedir”, - diplomat izah edib.
Onun sözlərinə görə, sanksiyalar siyahısına 10-a yaxın Rusiya vətəndaşı daxil ediləcək. Artıq qərar verilib, lakin prosedurların başa çatdırılması üçün vaxt lazımdır.