5701 namizəd uğur qazanaraq müsahibə mərhələsində iştirak hüququ əldə edib
Vakansiya seçimi mərhələsinin nəticələri elan edilib. AYNA xəbər verir ki, bu barədə Təhsil İnstitundan bildirilib.
Qeyd olunub ki, 2024-2025-ci tədris ili üçün müəllimlərin işə qəbulu üzrə müsabiqənin vakansiya seçimi mərhələsinin nəticələri namizədlərin şəxsi səhifələrinə göndərilib: "31 iyul–5 avqust tarixlərində keçirilmiş vakansiya seçimində 5701 namizəd uğur qazanaraq müsahibə mərhələsində iştirak hüququ əldə edib".
Qeyd edilib ki, müsahibə mərhələsi ilə bağlı məlumat əvvəlcədən namizədlərin şəxsi səhifələrinə göndəriləcək.