“Ümumilikdə, Rusiya tərəfdən Gürcüstana daxil olmaq üçün 2854 yük maşını gözləyir”
Dekabrın 13-ü günorta saatlarında Gürcüstan-Rusiya yolunun Kobi-Qudauri hissəsində ağır yük maşınları üçün yol qardan təmizləndikdən sonra açılıb. AYNA-nın xəbərinə görə, “Sputnik Gürcüstan” bildirir ki, yüzlərlə yük maşını “Yuxarı Lars” keçid məntəqəsindən (Rusiya-Gürcüstan sərhədi) keçmək üçün gözləyir.
Qeyd olunub ki, Kobi-Qudauri hissəsində ağır yük maşınları üçün yol dekabrın 13-ü günorta saatlarında yol qardan təmizləndikdən sonra açılıb.
“Ümumilikdə, Rusiya tərəfdən Gürcüstana daxil olmaq üçün 2854 yük maşını gözləyir”, - məlumatda bildirilib.
Xatırladaq ki, qışda hava şəraitinin pis olması səbəbindən yol tez-tez bağlanır.