“Bu, Livan dövləti tərəfindən əsassızdır və pislənir, çünki Livan müharibə istəmir”
Livan İsraillə müharibə istəmir və mövcud ziddiyyətlərin diplomatik yolla həllinə ümid edir. AYNA “RİA Novosti”yə istinadən bildirir ki, bu barədə hökumətin növbədənkənar iclasının yekunları üzrə rabitə naziri Coni Karm deyib.
“Görüşdəki atmosfer gərginliyin və İsrailin təcavüzünün qarşısının alınmasının vacibliyinə işarə etdi ki, bu, Livan dövləti tərəfindən əsassızdır və pislənir, çünki Livan müharibə istəmir”, - deyə nazir bildirib.
Karm Livan səlahiyyətlilərinin müdafiə vəziyyətində lazımi tədbirləri müzakirə etdiyini də vurğulayıb. Xüsusilə, söhbət mülki müdafiə və infrastruktur tədbirlərindən gedir.
Bundan əvvəl İsrailin Livanla sərhədin yerləşdiyi ölkənin şimalının əhəmiyyətli hissəsi üzərində hava məkanını müvəqqəti bağladığı məlum olub. Buna səbəb Beyrutda Livan Hizbullah hərəkatının komandirlərindən biri Fuad Şükrə qarşı sui-qəsd cəhdi, həmçinin HƏMAS Siyasi Bürosunun rəhbəri İsmayıl Həniyənin Tehranda qətlidir.