Seçki məntəqələri saat 20:00-a kimi açıq olacaq
Bu gün Litvada Seymə (birpalatalı parlament) deputat seçkiləri keçirilir. AYNA xarici mediaya istinadən bildirir ki, səsvermə yerli vaxtla səhər saat 7:00-da (Bakı vaxtı ilə 8:00) başlayıb. Seçki məntəqələri saat 20:00-a kimi açıq olacaq.
Parlament seçkiləri Litva tarixində 14-cü, 1990-cı ilin martında müstəqillik elan edildikdən sonra 9-cu dəfə keçirilir. Parlamentə 16 siyasi partiya və üç partiyanın koalisiyası öz namizədlərini irəli sürüb. Əvvəlki seçkilərdə 17 partiya var idi.