Bu gün Litva piyada əleyhinə minaların istifadəsini, yığılmasını və istehsalını qadağan edən Ottava Konvensiyasından rəsmi olaraq çıxıb. AYNA.AZ xəbər verir ki, bu barədə “European Pravda” məlumat yayıb.
Bildirilib ki, 27 dekabr Litvanın BMT Baş katibinə Ottava Konvensiyasından çıxması barədə rəsmi olaraq məlumat verməsindən düz altı ay keçib.
Litva Müdafiə Nazirliyi əvvəllər bildirmişdi ki, Ottava Konvensiyasından çıxmaq qərarı qüvvəyə mindikdən sonra Litva piyada əleyhinə minaların əldə edilməsi və ya istehsalı ehtimalı ilə bağlı danışıqlara başlayacaq.
Avropa Birliyi ölkələrinin əksəriyyəti Ottava Konvensiyasının üzvüdür, lakin Çin, Rusiya, ABŞ, Hindistan və Pakistan qoşulmayıb.
Mart ayında Litva, Latviya, Estoniya və Polşanın müdafiə nazirləri ölkələrini müqavilədən çıxmağa çağıran birgə bəyanat yaydılar; daha sonra Finlandiya da onlara qoşuldu.