Minalar təhlükəsiz qaydada yığılaraq zərərsizləşdirilib
Avqustun 5-də Laçın rayonu ərazisində aparılan minatəmizləmə fəaliyyəti nəticəsində Kiçik İşıqlı dağının cənub hissəsindəki dərə boşluğunda mina sahəsi aşkar edilib.
Bu barədə AYNA-ya Müdafiə Nazirliyindən bildirilib.
Azərbaycan Ordusunun mühəndis-istehkam bölmələri tərəfindən ərazinin təmizlənməsi zamanı 2021-ci ildə Ermənistanda istehsal edilmiş Э-001 М tipli 102 ədəd piyada əleyhinə mina təhlükəsiz qaydada yığılaraq zərərsizləşdirilib.
Ərazinin minalardan təmizlənməsi üzrə zəruri tədbirlər davam etdirilir.