Vyetnam hökuməti ağır vəziyyətdə olan xəstəni həyata qaytarmağa çalışır
COVID-19 yayıldığı ilk vaxtlardan bu günə qədər ölüm halının qeydə alınmadığı Vyetnamda, ölümcül vəziyyətdə olan koronavirus xəstəsinin həyatını xilas etmək üçün dövlət səviyyəsində səfərbərlik elan edilib. AYNA xarici mətbuata istinadən xəbər verir ki, vəziyyəti pisləşən 43 yaşındakı xəstəyə ağciyər köçürüləcək.
“Vyetnam VNA” xəbər agentliyinin məlumatına görə, xəstə “Vyetnam Airlines” şirkətində pilot olaraq çalışan bu şəxs britaniyalıdır. Bildirilir ki, xəstənin immunitet sisteminin həddindən artıq sitokinləri ifraz etməsindən dolayı qanı laxtalanır.
Vyetnam Səhiyyə Nazirliyi xəstənin sağ qalması üçün ağciyər transplantasiyasına qərar verib.