Qanun layihəsi imza üçün Prezident Donald Trampa təqdim edilib
ABŞ Ədliyyə Nazirliyinin mərhum milyarder Ceffri Epşteynin istintaqı ilə bağlı bütün materialları açıqlamasını tələb edən qanun layihəsi Konqresdən keçib. AYNA.AZ xəbər verir ki, bu barədə CNN məlumat yayıb.
ABŞ Senatı "Epşteyn sənədlərinin" açıqlanması ilə bağlı qanun layihəsini yekdilliklə təsdiqləməyə razılıq verib və bu, əlavə səsvermə tələb etmir.
Bu, ABŞ Konqresinin aşağı palatası olan Nümayəndələr Palatası qanun layihəsini demək olar ki, yekdilliklə təsdiqlədikdən sonra baş verib.
Qanun layihəsi daha sonra Konqres tərəfindən rəsmi olaraq təsdiqlənib və imza üçün Prezident Donald Trampa təqdim edilib.
Tramp əvvəllər Konqresdən keçəcəyi təqdirdə materialların açıqlanması ilə bağlı qanun layihəsini imzalayacağını bildirmişdi və Respublikaçılar Partiyasını da ona səs verməyə çağırmışdı.