İsrail Müdafiə Qüvvələrinin hücumlarında onlarla insanın yaralandığı qeyd edilib
İsrailin Qəzzaya hava hücumları nəticəsində ölənlərin sayı 65-ə çatıb. AYNA.AZ xəbər verir ki, bu barədə “Al-Arabia” məlumat yayıb.
Xəbərdə deyilir: "Qəzza səhiyyə orqanları İsrailin hava hücumlarının Qəzzanın mərkəzindəki Bureyc qaçqın düşərgəsində, Qəzza şəhərinin Səbra məhəlləsində və cənubdakı Xan Yunisdə 65-dən çox insanın ölümünə səbəb olduğunu açıqlayıb".
Həmin günün əvvəlində Mülki Müdafiə sözçüsü Mahmud Basal İsrailin Qəzza zolağına hava hücumları nəticəsində ən azı 30 nəfərin öldüyünü bildirib. O, həmçinin İsrail Müdafiə Qüvvələrinin hücumlarında onlarla insanın yaralandığını qeyd edib.