“Fentanil, kokain və digər ölümcül narkotiklər sərhədimizi keçərək milyonlarla amerikalını zəhərləyib və öldürüb”
“ABŞ uzun müddətdir ki, digər ölkələri qorumaq üçün öz təhlükəsizliyinə laqeydlik edib”. AYNA.AZ xəbər verir ki, bu sözləri ABŞ müdafiə naziri Pit Heqset Vaşinqtonda 34 hərbi liderin görüşündə deyib.
Nazir bildirib ki, hazırkı administrasiya bir daha Amerika ərazisinin müdafiəsini ölkənin silahlı qüvvələri üçün prioritet etmək niyyətindədir, çünki “ABŞ çoxdan digər ölkələrin təhlükəsizliyini təmin edib, öz təhlükəsizliyini isə laqeyd qalıb”.
Pentaqon rəhbəri qeyd edib: "Nəticələr ölkəmiz və sizin ölkələriniz üçün fəlakətli olub. Fentanil, kokain və digər ölümcül narkotiklər sərhədimizi keçərək milyonlarla amerikalını zəhərləyib və öldürüb. Bu silahlar və təhdidlər nəticəsində öldürülən amerikalıların sayı istənilən müharibədə amerikalı itkilərinin sayından çoxdur".
Heqset qeyd edib ki, son illərdə ABŞ-a gələn qanunsuz immiqrantların sayı eksponensial olaraq artıb və bu da ölkə hakimiyyətini 2025-ci ildə Meksika sərhədini qorumaq üçün hərbi qüvvələr yerləşdirməyə vadar edib.