Deputatlar Mamuka Mdinaradzeni yeni vəzifəyə təsdiqləyiblər
Gürcüstan Parlamenti "Hökumətin Strukturu, Səlahiyyətləri və Prosedurları haqqında" Qanuna dəyişiklikləri qəbul edərək, Hüquq-mühafizə Orqanlarının Koordinasiyası üzrə Dövlət Naziri vəzifəsi yaradıb.
AYNA.AZ gürcü mediasına istinadən bildirir ki, deputatlar əvvəllər Gürcüstan Dövlət Təhlükəsizlik Xidmətinə (DTX) rəhbərlik etmiş Mamuka Mdinaradzeni yeni vəzifəyə təsdiqləyiblər. O həmçinin hökumətdə Baş nazirin müavini vəzifəsini icra edəcək.
Parlament sədri Şalva Papuaşvili iclasda Mdinaradzenin cümə axşamı vəzifəsinin icrasına başlayacağını deyib. O Mdinaradzeyə Baş nazirin müavini vəzifəsində uğurlar arzulayıb.
"Bugünkü çətinlikləri nəzərə alaraq, hüquq-mühafizə orqanlarının koordinasiyasının effektiv olması vacibdir", - deyə parlament sədri bildirib.