Fransada bu günə qədər 134 min 303 nəfər koronavirusa yoluxub
Fransanın Baş Naziri Eduardo Flip koronavirusla bağlı yeni bəyanat verib. AYNA xarici mətbuata istinadən xəbər verir ki, Baş Nazir koronavirusla mübarizədə ön sırada yer alan tibb işçilərinə 1500 avro mükafat veriləcəyini söyləyib.
Filip, həmçinin əlavə iş vaxtı ilə çalışanların da maaşlarının yüksək məvaciblə ödəniləcəyini bildirib.
O, Fransanın koronavirusla mübarizəyə ayırdığı 110 milyard avro yardım paketinin təsdiqlənməsindən sonra bu barədə açıqlama verib.
Qeyd edək ki, Fransada bu günə qədər 134 min 303 nəfər koronavirusa yoluxub. 15 min 729 nəfər isə pandemiyanın qurbanı olub.