“Bu məsələ ilə bağlı heç bir sənəd alınmayıb, şəxsən mən onları görməmişəm”
“Ermənistan Kollektiv Təhlükəsizlik Müqaviləsi Təşkilatından (KTMT) çıxmaqla bağlı rəsmi müraciət etməyib”. AYNA xəbər verir ki, bu sözləri KTMT-nin Birləşmiş Qərargahının rəhbəri Anatoli Sidorov deyib.
“Ermənistan rəhbərliyindən heç bir rəsmi açıqlama verilməyib. Ermənistanın KTMT-dən çıxması ilə bağlı heç bir bəyanat olmayıb. Bu məsələ ilə bağlı heç bir sənəd alınmayıb, şəxsən mən onları görməmişəm”, - Sidorov Moskvada mətbuat konfransında bildirib.
Onun sözlərinə görə, təşkilatın özündə KTMT-nin Qafqaz regionuna marağını itirdiyi və ya Ermənistanı tərk etmək üçün toplaşdığı barədə söhbətlər gedir: “Bu, heç kimin ağlına da gəlmir”.
Sidorov qeyd edib ki, KTMT ölkələrinin başçıları Ermənistanın yaşadığı çətinliklərin həlli yolunu tapacaqlar.
“Ermənistan qanun yaradıcılığı, sənədlərə baxılması, KTMT-nin daimi nizamnamə orqanlarının fəaliyyətinin maliyyələşdirilməsi ilə məşğuldur”, - KTMT rəsmisi əlavə edib.