“Terror kimdən gəlirsə, törədənin kim olmasından asılı olmayaraq, qəbuledilməzdir”
‘‘Ölkəm və millətim adından Moskvada konsert salonunda törədilən terror aktına görə Rusiya hökumətinə başsağlığı verir və hücumu şiddətlə qınayıram”. AYNA xəbər verir ki, bu sözləri Türkiyə Prezidenti Rəcəb Tayyib Ərdoğan Ankarada rəhbəri olduğu Ədalət və İnkişaf Partiyasının keçirdiyi mitinqdə çıxışı zamanı deyib.
“Terror kimdən gəlirsə, törədənin kim olmasından asılı olmayaraq, qəbuledilməzdir. Terrorun qanlı, xain üzünü çox yaxşı bilən bir ölkə olaraq biz rus xalqının ağrısını paylaşırıq”, Türkiyə lideri deyib.