Toplantı sentyabrın 8-dən 10-dək Yeni Dehlidə keçiriləcək
Türkiyə Prezidenti Rəcəb Tayyib Ərdoğan G20 liderlərinin 18-ci zirvə toplantısında iştirak edəcək.
Bu barədə AYNA xarici KİV-ə istinadən xəbər verir.
Məlumata görə, Türkiyə Prezidenti zirvə toplantısında iştirak üçün Hindistana gedəcək.
Sentyabrın 8-dən 10-dək Yeni Dehlidə keçiriləcək toplantıda G20 liderləri “Bir dünya, bir ailə, bir gələcək” sammitində əsas mövzu altında, üç sessiyada fikir mübadiləsi aparacaq.
Ərdoğanın həmçinin G20 liderləri, sammitdə iştirak edən bəzi hökumət başçıları ilə təkbətək görüşləri gözlənilir.