Dominikanda partlayışda ölənlərin sayı 32-ə çatıb

Hazırda zərərçəkənlərdən 12-si xəstəxanalarda müalicə alır

Dominikan Respublikasının cənubundakı San-Kristobal əyalətində baş verən partlayış nəticəsində ölənlərin sayı 32 nəfərə çatıb.

AYNA xəbər verir ki, bu barədə yerli “Hoy” qəzeti məlumat yayıb.

Daha əvvəl 25 nəfərin öldüyü bildirilirdi. Qeyd olunur ki, hazırda 59 zərərçəkəndən 12-si xəstəxanalarda müalicə alır.

Partlayış avqustun 14-də plastmas istehsal edən fabrikdə baş verib.