"AKS-74" markalı avtomat silah götürülüb
Daxili İşlər Nazirliyi (DİN) və Ədliyyə Nazirliyinin Penitensiar Xidməti birgə əməliyyat keçirib, "AKS-74" markalı avtomat silah götürülüb. AYNA xəbər verir ki, bu barədə Penitensiar Xidmətdən bildirilib.
Qeyd olunub ki, əməliyyat-axtarış tədbiri nəticəsində Nəsimi rayonu, Hüseyn Seyidzadə, 2 ünvanının qarşısındakı dəmir qarajın önündə gizlədilmiş Qurban Fərhad oğlu Ağayevə məxsus bir ədəd "AKS-74" markalı avtomat silah, bir ədəd daraq və üç ədəd güllə aşkar edilib.
Faktla bağlı araşdırma aparılır.