Sergey Melikov: “Yatmış terrorçu hücrələrin aşkarlanması davam etdiriləcək”
Dağıstanda 6 yaraqlı məhv edilib, lakin hakimiyyət bununla kifayətlənməyəcək və terrorçuların yatmış hücrələrini müəyyən etməyə davam edəcək. AYNA “Regnum”a istinadən xəbər verir ki, bu barədə respublikanın başçısı Sergey Melikov deyib.
“Altı quldur məhv edilib. Şübhəsiz ki, xaricdən də daxil olmaqla, hazırlanmış yatmış hücrələrin bütün iştirakçıları müəyyən edilənə qədər növbəti əməliyyat-axtarış və istintaq tədbirləri həyata keçiriləcək”, - deyə Melikov “Telegram” kanalında yayımlanan videoda bildirib.
O, həmçinin həmvətənlərini təhlükəsizlik qüvvələrinin regionda vəziyyətin sabitləşməsinə yönəlmiş hərəkətlərini dəstəkləməyə çağırıb.
Qeyd edək ki, iyunun 23-də Dərbənd və Mahaçqalada terror aktları nəticəsində 15-dən çox hüquq-mühafizə orqanı əməkdaşı, habelə bir neçə mülki şəxs həlak olub və ya yaralanıb. Bundan əlavə, terrorçular protoyerey Nikolay Kotelnikovu vəhşicəsinə qətlə yetiriblər. 19 nəfər öz təhlükəsizlikləri üçün kilsəyə qapanıb. İnsanlar daha sonra heç bir zərər görmədən kilsədən çıxarılıb.