Bu, Çinə xarici hərbi peyklərə casusluq etməyə imkan verə bilər
Çin alimləri dünyanın ən güclü lazer əsaslı kamerasını yaradıblar ki, bu da Çinə xarici hərbi peyklərə casusluq etməyə imkan verə bilər. AYNA xəbər verir ki, bu barədə “South China Morning Post” (SCMP) qəzeti məlumat yayıb.
Yeni məhsul Çin Elmlər Akademiyasının Aerokosmik İnformasiya Tədqiqatları İnstitutunun mütəxəssisləri tərəfindən yaradılıb. Kukunor gölündə həyata keçirilən sınaqlar zamanı əvvəllər qeyri-mümkün hesab edilən 100 kilometrdən çox məsafədən millimetr dəqiqliyi ilə bir neçə şəkil çəkilib.
103 vatt gücündə genişzolaqlı lazer kameranın əldə etdiyi məlumatların real vaxt rejimində rəqəmsal emal edilməsi üçün sistemlə birləşdirilib. Cihaz diametri 1,7 millimetrə qədər olan hissələri tez aşkar edə və 15,6 millimetrə qədər dəqiqliklə obyektlərə olan məsafəni təyin edə bildi.