Blinken: “ABŞ İsrailə silah tədarükünü dayandırmayıb”

Dünya

19.06.2024 - 11:24

Həkimlər Klinikalar SEO Xidməti

“Güclü silahların yalnız bir partiyasının ötürülməsində fasilə var”

ABŞ-ın İsrailə silah tədarükü dayanmayıb. AYNA-nın xarici mediaya istinadən xəbərinə görə, bunu ABŞ dövlət katibi Antoni Blinken NATO-nun baş katibi Yens Stoltenberqlə Dövlət Departamentində keçirdiyi mətbuat konfransında bildirib.

Onun sözlərinə görə, güclü silahların yalnız bir partiyasının ötürülməsində fasilə var.

“Bildiyiniz kimi, biz ABŞ Prezidenti Co Baydenin Rəfah kimi əhalinin sıx məskunlaşdığı bir bölgədə istifadəsi ilə bağlı narahatlıqlarımıza görə 2000 kiloluq bombalarla bağlı bir göndərişi qiymətləndirməyə davam edirik və bu qiymətləndirmə hələ də davam edir”, - Blinken vurğulayıb.

Dövlət katibi əlavə edib ki, silahlar “İsrailin çoxsaylı çağırışlar qarşısında özünü müdafiə etmək üçün lazım olan hər şeyə sahib olmasını təmin etmək üçün” normal şəkildə verilir.

Müəllif: Ayna.az