Sallivan Mileyi seçkilərdə qələbəsi münasibətilə təbrik edib
ABŞ Prezidentinin milli təhlükəsizlik üzrə müşaviri Ceyk Sallivan Vaşinqtonda Argentinanın yeni seçilmiş Prezidenti Xavyer Miley ilə görüşüb. AYNA xəbər verir ki, bu barədə Ağ Evin açıqlamasında qeyd edilib.
“Sallivan iqtisadi məsələlər, paylaşılan prioritetlər və texnologiya sərmayələri üzrə güclü ABŞ-Argentina münasibətlərinin qurulmasının davam etdirilməsinin vacibliyini müzakirə etmək üçün Miley ilə görüşüb”, - bəyanatda deyilir.
Ağ Evdən bildirilib ki, Sallivan Mileyi seçkilərdə qələbəsi münasibətilə təbrik edib və iki ölkə arasında sıx koordinasiyanın davam etdiriləcəyinə əmin olduğunu deyib.