“Razılaşmaya gedən yol asan olmayıb”
ABŞ-ın keçmiş Prezidenti Co Bayden Qəzza zolağında atəşkəsə görə Donald Trampın rəhbərliyi altında ABŞ administrasiyasına minnətdarlığını bildirib və Yaxın Şərqdə dinc gələcəyə ümid etdiyini deyib. AYNA.AZ xəbər verir ki, bu barədə Bayden “Facebook” səhifəsində yazıb.
"İndi Birləşmiş Ştatların və dünyanın dəstəyi ilə Yaxın Şərq davamlı olacağına ümid etdiyim sülh və israillilərlə fələstinlilər üçün bərabər sülh, ləyaqət və təhlükəsiz gələcəyə doğru gedir. Prezident Trampa və onun komandasına işlərinə görə təşəkkür edirəm", - Bayden qeyd edib.
Sabiq Prezident həmçinin administrasiyasının müharibəni dayandırmaq, israilli girovları əsirlikdən geri qaytarmaq və Fələstin mülki vətəndaşlarına yardım göstərmək səylərini qeyd edib.
Bayden vurğulayıb ki, “razılaşmaya gedən yol asan olmayıb”.
Sabiq Prezident atəşkəs, "təsəvvür edilməz cəhənnəm"dən keçmiş israillilərin vətənə qayıtması və Qəzzanın "ölçüsüz itkilər verən" mülki əhalisi xəbərləri ilə rahatladığını bölüşüb.