Oğurluq əməlində şübhəli bilinən şəxs saxlanılıb
Bakının Binəqədi rayonunda talama cinayəti qeydə alınıb. Rayonun 28 May qəsəbəsində fəaliyyət göstərən şirkətlərin birindən ümumi dəyəri 11 min 840 manat olan optik naqil oğurlanıb.
Daxili İşlər Nazirliyindən (DİN) AYNA.AZ-a verilən məlumata görə, Binəqədi Rayon Polis İdarəsi 40-cı polis şöbəsi əməkdaşlarının keçirdikləri tədbirlər nəticəsində əməli törətməkdə şübhəli bilinən 36 yaşlı Səməd İsmayılov müəyyən edilərək saxlanılıb.
Onun törətdiyi qanunsuz əməl ərazidəki təhlükəsizlik kameraları vasitəsilə də lentə alınıb.
Faktla bağlı cinayət işi başlanılıb, məhkəmənin qərarı ilə S.İsmayılov barəsində həbs qətimkan tədbiri seçilib.
Araşdırmalar davam etdirilir.