“Sülhə döyüş meydanında deyil, danışıqlar masası arxasında nail olmaq olar”
Avstriya və Hindistanın xarici işlər nazirləri Aleksandr Şallenberq və Subramanyam Cayşankar Ukrayna ilə bağlı sülh danışıqlarına çağırış ediblər. AYNA xarici mediaya iatinadən xəbər verir ki, nazirlər bu barədə Vyanada keçirilən mətbuat konfransında bildiriblər.
"Hindistanın danışıqlar məsələsində böyük rolu var. Baş nazir Narendra Modi müntəzəm olaraq hər iki tərəflə - Rusiya və Ukrayna ilə danışıqlar aparan azsaylı siyasətçilərdən biri olaraq qalır", - Avstriya XİN rəhbəri bildirib.
Nazir qeyd edib ki, sülhə döyüş meydanında deyil, danışıqlar masası arxasında nail olmaq olar.
Cayşankar isə bildirib ki, Hindistan danışıqlarda israrlıdır. Əlavə edib ki, dünya ictimaiyyəti Ukraynadakı münaqişəyə son qoymağa və ya danışıqlara qayıtmağa çağırır.