Kiçik dövlətlər isə AK-nın hərbi sahədə rolunun gücləndirilməsini dəstəkləyirlər
Avropa İttifaqının (Aİ) hərbi cəhətdən ən güclü ölkələri müdafiə nəzarətini Avropa Komissiyasına (AK) təhvil verməkdə tərəddüd edirlər. Kiçik dövlətlər isə icra orqanının bu sahədəki rolunun gücləndirilməsini dəstəkləyirlər. AYNA.AZ xəbər verir ki, bu barədə “The Washington Post” (WP) mənbələrə istinadən yazıb.
Məqalədə deyilir: "Blokun ən böyük hərbi gücləri - Fransa və Almaniya - müdafiə layihələri üzərində nəzarəti AK-ya təhvil verməkdə tərəddüd edirlər".
Nəşrin mənbələri iddia edir ki, eyni zamanda, kiçik ölkələr - Litva, Latviya və Estoniya - AK-nın müdafiədəki rolunun gücləndirilməsində daha çox maraqlıdırlar.
Daha əvvəl Avropa Komissiyasının prezidenti Ursula fon der Leyen Kopenhagendə Aİ liderlərinin qeyri-rəsmi sammitindən sonra "pilotsuz hava divarı"nın yaradıldığını elan etmişdi. Buna baxmayaraq, təşəbbüs Avropa liderləri arasında dəstək qazana bilmədi.