Almaniya əks-kəşfiyyatının keçmiş rəhbəri partiya yaradıb
Almaniya əks-kəşfiyyatının keçmiş rəhbəri Hans-Georg Maassen yeni sağçı “Werteunion” (Dəyərlər İttifaqı) Partiyası yaradıb. AYNA xəbər verir ki, bu barədə “Reuters” məlumat yayıb.
Bildirilib ki, Maassen 2018-ci ildə Almaniya Konstitusiyasının Müdafiəsi İdarəsinin rəhbəri vəzifəsindən uzaqlaşdırılıb. Onun vəzifəsindən çıxarılmasına səbəb ifrat sağçı təşkilatların təhdidinə məhəl qoymamaq idi.
Xüsusilə, siyasətçi Almaniyanın Xemnits şəhərində millətçilərin miqrantları ələ saldığını göstərən videonun həqiqiliyinə şübhə etmişdi.