Respublikaçılar tərəfindən dəstəklənən qanun layihəsinin lehinə 50, əleyhinə isə 43 səs verilib
11-ci dəfə ABŞ Senatı qismən dayandırılmış federal hökumətin maliyyələşdirilməsini nəzərdə tutan və Respublikaçılar Partiyası tərəfindən dəstəklənən qanun layihəsini rədd edib. Bu barədə AYNA.AZ xarici mediaya istinadən bildirir.
Prosessual səsvermə zamanı daha əvvəl Nümayəndələr Palatasında təsdiq edilmiş respublikaçılar tərəfindən dəstəklənən qanun layihəsinin lehinə 50, əleyhinə isə 43 səs verilib. Qanun layihəsinin təsdiqi üçün senatorların 60 səsi tələb olunur.
Günün əvvəlində ABŞ Prezidenti Donald Tramp Konqresdəki demokratların tezliklə qanun layihəsini dəstəkləyəcəyinə əmin olduğunu bildirib. Senat əvvəllər demokratlar tərəfindən dəstəklənən hökumətin maliyyələşdirmə qanun layihələrini ən azı yeddi dəfə rədd etmişdi.