Vaşinqton və Pekin arasında “rəqabətin idarə edilməsi” müzakirə olunacaq
ABŞ dövlət katibinin köməkçisi Daniel Kritenbrink və Ağ evin Milli Təhlükəsizlik Şurasının Çin üzrə baş direktoru Laura Rozenberqer dekabrın 11-dən 14-dək Çin, Cənubi Koreya və Yaponiyaya səfər edəcəklər. AYNA xarici mediaya istinadən bildirir ki, bu barədə ABŞ Dövlət Departamenti məlumat yayıb.
Nümayəndə heyətinin Vaşinqton və Pekin arasında “rəqabətin idarə edilməsi” və əməkdaşlıq üçün potensial sahələri, eləcə də ABŞ Dövlət katibinin 2023-cü ilin əvvəlində Çinə planlaşdırılan səfərinə hazırlıq məsələlərini müzakirə edəcəyi qeyd edilir.