Səfərin 6-13 iyun aralığında baş tutacağı bildirilib
ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Filip Riker Gürcüstan, Ermənistan və Azərbaycana səfər edəcək.
AYNA xəbər verir ki, bu barədə ABŞ Dövlət Departamentinin mətbuat xidməti məlumat yayıb.
ABŞ rəsmisinin bölgəyə səfərinin 6-13 iyun aralığında baş tutacağı bildirilib.
Səfərin başlıca məqsədi “ikitərəfli və regional prioritetlərin müzakirəsi”, eləcə də “bölgədə demokratik və iqtisadi inkişafın dəstəklənməsi” olacaq.
Səfər zamanı F.Rikerin dövlət və hökumət başçıları, vətəndaş cəmiyyəti və biznes nümayəndələri ilə görüşü, həmçinin Qarabağ məsələsilə bağlı müzakirələr aparması planlaşdırılır.