Əks halda, Rusiya sülh şərtlərinin fərqli olacağını bildirib
Ukrayna Prezidenti Volodimir Zelenski Rusiyanın Ukraynaya hərbi əməliyyatlara son qoymaq üçün silahlı qüvvələrini Donbasdan çıxarmaq üçün iki ay vaxt verdiyini açıqlayıb. Əks halda, Rusiya sülh şərtlərinin fərqli olacağını bildirib.
AYNA.AZ Ukrayna mediasına istinadən xəbər verir ki, Zelenski jurnalistlərə bildirib ki, Amerika vasitəçiləri Rusiyanın mövqeyini Ukraynaya çatdırıblar.
Bu gün Ukrayna Prezidenti ABŞ-ın xüsusi nümayəndəsi Stiv Uitkoff, Donald Trampın kürəkəni Cared Kuşner və respublikaçı senator Lindsi Qremlə danışıqlar aparmağı planlaşdırır.
"Biz mövqeyimizi və üçtərəfli razılaşmaya, ən azı üçtərəfli görüşə nə qədər yaxın olduğumuzu müzakirə edəcəyik", - deyə Ukrayna lideri vurğulayıb.