Britaniya kəşfiyyatı Ukraynadakı rus əsgərləri arasında içməli su çatışmazlığını açıqlayıb
Böyük Britaniya Müdafiə Nazirliyinin kəşfiyyat hesabatına görə, Rusiya ordusu Ukraynada cəbhədə içməli su çatışmazlığı ilə üzləşib. Bu vəziyyət bomba və raket hücumları nəticəsində ictimai infrastrukturun zədələnməsi səbəbindən yaranıb. İsti havalar problemi daha da artırıb. Bu barədə AYNA xarici mediaya istinadən bildirir.
Rusiyayönlü hərbi bloger pilotlar üçün su rasionunun gündə bir litrlə məhdudlaşdırıldığını bildirib ki, bu da yüksək temperaturda işləyərkən tövsiyə edilən minimum tələbin dörddə birinə uyğundur. Nəticədə pilotlar su üçün yerli sakinlərə müraciət etməli olurlar.
Həmçinin Britaniya kəşfiyyatının məlumatına görə, bəzi Rusiya hərbi birləşmələri gündəlik su ehtiyacını ödəmək üçün durğun gölməçələrdən istifadə edərək doğaçlama filtrasiya vasitələri hazırlamağa məcburdurlar ki, bu da əsgərlər arasında xəstəliklərin riskini artırır.