Türkiyədə silahlı hücuma məruz qalan siyasətçi ölüb

Mustafa Can Ekiciler müalicə aldığı xəstəxanada həyatını itirib

Türkiyədə silahlı hücuma məruz qalan bələdiyyə üzvü Mustafa Can Ekiciler ölüb.

AYNA xəbər verir ki, bu barədə Türkiyə KİV-i məlumat yayıb.

Bildirilib ki, o, müalicə aldığı xəstəxanada həyatını itirib.

Məlumata görə, M.C.Ekiciler Cümhuriyyət Xalq Partiyasının (CHP) Süleymaniyye bələdiyyə üzvü idi.

Qeyd edək ki, mərhum siyasətçi avqustun 18-də silahlı hücuma məruz qalıb.