Son sutkada 6 mindən çox insanın testi pozitiv çıxıb
Türkiyədə son sutkada yeni növ koronavirusdan (COVID-19) 75 nəfər həyatını itirib.
AYNA xəbər verir ki, bu barədə Türkiyənin Səhiyyə Nazirliyi məlumat yayıb.
Bildirilib ki, Türkiyədə gündəlik statistikaya əsasən, COVID-19 infeksiyası ilə əlaqədar 218 758 nəfər test edilib, onların 6076-nın koronavirus testi pozitiv nəticə verib, 5112 nəfər sağalıb.
Hazırda ölkə üzrə bu infeksiyadan ümumilikdə 48 668 nəfər ölüb.
Türkiyədə indiyədək 5 325 435 nəfər koronavirus xəstəsi olaraq qeydə alınıb, onlardan 5 198 057 nəfəri müalicə olunaraq evə buraxılıb.