“Kamala Harrisin gələcəyi olmayacaq, çünki o, bizi üçüncü nüvə müharibəsinə sürükləyəcək!”
ABŞ-ın keçmiş Prezidenti, Respublikaçılar Partiyasının prezidentliyə namizədi Donald Tramp vitse-prezident Kamala Harrisin Demokratlar Partiyasının Milli Qurultayındakı çıxışını tənqid edərək, onun “Amerika üçün bir sıra vacib məqamları qaçırdığını” qeyd edib. AYNA xəbər verir ki, bu barədə siyasətçi “Truth” sosial şəbəkəsindəki səhifəsində yazıb.
“Heç bir xüsusi proqram yoxdur. Sadəcə sözlər, hərəkət yoxdur”, - o yazıb.
“O, Çindən, frakinqdən, enerjidən, mahiyyətcə Rusiya və Ukraynadan bəhs etmədi, ölkəmizi məhv edən günün böyük mövzularından bəhs etmədi”, Tramp əlavə edib.
Onun sözlərinə görə, Harris yoxsulluqla mübarizə haqqında heç nə deməyib, halbuki “ABŞ-da 60 milyon insan yoxsulluq içində yaşayır”.
Tramp bildirib: “Kamala Harrisin gələcəyi olmayacaq, çünki o, bizi üçüncü nüvə müharibəsinə sürükləyəcək! Bütün dünyanın tiranları ona heç vaxt hörmət etməyəcəklər!”.
Qurultayda Harris noyabr seçkilərində respublikaçı rəqibi olan Trampın gündəmini tənqid edərək deyib: “Biz ikinci Tramp müddətinin necə olacağını bilirik. Bütün bunlar “Layihə 2025”də təsvir edilib. Bir çox cəhətdən Donald Tramp ciddi insan deyil. Lakin Donald Trampın Ağ Evə qayıtmasının nəticələri son dərəcə ciddidir. Xüsusilə, Birləşmiş Ştatlar Ali Məhkəməsi onun cinayət təqibindən immunitetə malik olacağına qərar verdikdən sonra onun sahib olacağı güc barədə düşünün”.