“Narahat olmayın, hamısını geri qaytaracağam”
ABŞ-ın keçmiş Prezidenti Donald Tramp bildirib ki, hazırkı dövlət başçısı Co Baydenin siyasəti Vaşinqtonun bütün müttəfiqlərini itirməsinə səbəb olub. Bu barədə AYNA xarici mediaya istinadən bildirir.
“Müttəfiqlərin hamısı Çin və Rusiya üz tutdular. Biz hər şeyi itirmişik. Hamını itirdik, indi təkik. Ancaq narahat olmayın, hamısını geri qaytaracağam”, - Ağ Evin keçmiş sahibi bildirib.
Onun fikrincə, Bayden ölkəni elektrik enerjisinin daim kəsiləcəyi və vətəndaşların düşmənlərindən mərhəmət diləyəcəkləri yoxsul üçüncü dünya dövlətinə çevirmək niyyətindədir.