Taker Karlson: “Putin tərəfdarı olmağım barədə deyilənlər doğru deyil”

Dünya

21.02.2024 - 16:44

Amerikalı jurnalist Putinə simpatiyası ilə bağlı deyilənləri şərh edib

Amerikalı jurnalist Taker Karlson “Blaze”yə müsahibəsində Rusiya Prezidenti Vladimir Putinə simpatiyası ilə bağlı açıqlamaları şərh edib.

AYNA xəbər verir ki, jurnalist deyilənləri absurd sayıb: “Məni Putin tərəfdarı olmaqda ittiham edirlər, lakin bu, doğru deyil. Amma mən Putinin tərəfdarı olsaydım, bu da normal olardı. Mən yetkin bir insanam və Amerika vətəndaşıyam. Bəyəndiyim və bəyənmədiyim insanlar ola bilər və istədiyim fikrə sahib ola bilərəm”.

Karlson kimə inanmağı və kimə rəğbət göstərməli olduğuna “Vaşinqtonda bir dəstə adamın qərar verməsi” fikrini qəbul etmədiyini söyləyib.

Qeyd edək ki, bir müddət əvvəl Karlson Putindən geniş müsahibə götürüb. Amerikalı jurnalistin müsahibə zamanı davranışları Qərb mediasında onun “Putinə rəğbət bəsləməsi” kimi qiymətləndirilib.

Müəllif: Ayna.az