Polis əməkdaşlarının çevikliyi sayəsində qadın sudan çıxarılaraq xilas edilib
Sumqayıtda qadın intihara cəhd edib. AYNA xəbər verir ki, bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, oktyabrın 11-də saat 14:00 radələrində Sumqayıt şəhəri ərazisində yerləşən dənizkənarı parkda qadın qəfil özünü dənizə atıb. Ərazidə xidmət aparan polis əməkdaşlarının çevikliyi sayəsində həmin qadın sudan çıxarılaraq xilas edilib.
Araşdırmalarla onun şəhər sakini A.Ramazanova olması müəyyən edilib.