Serxio Ramos bu komandanın heyətində beşqat İspaniya çempionu olub
İspaniyanın "Real Madrid" futbol komandası kapitan Serxio Ramosla yollarını ayırıb. AYNA-nın məlumatına görə, bu barədə "kral klubu"nun rəsmi saytı xəbər yayıb.
35 yaşlı müdafiəçi ilə başa çatan müqavilənin müddəti uzadılmayıb. Sabah Madrid təmsilçisinin prezidenti Serxio Peres və oyunçunun iştirakı ilə mətbuat konfransı keçiriləcək.
Qeyd edək ki, 2005-ci ildən "Real Madrid"də çıxış edən Serxio Ramos bu komandanın heyətində beşqat İspaniya çempionu olub, 4 dəfə ölkə Superkubokunu, Çempionlar Liqasını və klublararası dünya çempionatını qazanıb. Həmçinin 2 dəfə İspaniya kuboku və UEFA Super Kubokunda qələbə sevinci yaşayıb.