Təxminən 40 sərnişininin olduğu təyyarədə 2 pilot həyatını itirib, 22 nəfər isə yaralanıb
Rusiya Federasiyasının Buryatiya Respublikasında bir sərnişin təyyarəsinin hava limanına təcili eniş edərkən eniş zolaqdan çıxması nəticəsində iki pilot ölüb, 22 sərnişin yaralanıb.
AYNA Rusiya mətbuatına istinadən xəbər verir ki, Buryatya Respublikasında Nijneanqarskdan Ulan-Udeyə uçmaq üçün Nijneangarsk Hava Limanından qalxan "AN-24" tipli sərnişin təyyarəsi qısa müddət sonra təcili eniş etmək üçün hava limanına qayıdıb.
Eniş zamanı eniş zolağından çıxan təyyarə bir binaya dəyərək alovlanıb. Təxminən 40 sərnişininin olduğu təyyarədə 2 pilot həyatını itirib, 22 nəfər isə yaralanıb.
Hadisə ilə bağlı istintaq başlayıb.