Sarıtəpədə baş verən qətlin təfərrüatları məlum olub
Şəmkirdə baş verən qətlin bəzi təfərrüatları məlum olub. AYNA.AZ APA-ya istinadən bildirir ki, qətlə yetirilən Bakı şəhəri, Sabunçu rayonu, Pirşağı qəsəbə sakini 1993-cü il təvəllüdlü Tural Abdullayev 3 il əvvəl Bakı şəhərində restoranların birində hadisəni törədən Sənan Əsgərovun qızı T.Əsgərova ilə tanış olub.
Bundan sonra onlar qeyri rəsmi olaraq birlikdə yaşayıblar. Bir müddətdən sonra cütlüyün arasında narazılıq olub və cütlük ayrılıb. Ayrılandan sonra Tural Abdullayev T.Əsgərovanın videolarını "TikTok"da paylaşıb.
Buna qəzəblənən T.Əsgərova atasının yaşadığı Şəmkir rayonunun Sarıtəpə kəndinə gəlib. 2 gün əvvəl isə mərhum Tural Abdullayev Sarıtəpə kəndinə gələrək T. Əsgərovaya bildirib ki, paylaşdığı videoları silib və onlar yenidən barışıblar. Bundan sonra Tural Abdullayev bir gün də qayınatasıgildə qonaq qalıb.
Ötən gecə isə T.Abdullayev yatan zaman qayınatası Sənan Əsgərov otağa daxil olaraq onu bıçaqla vurub. Bu zaman mərhum T.Abdullayev qayınatası S. Əsgərovun bud nahiyəsində bıçaqla xəsarət yetirib.
Hər iki şəxs xəstəxanaya aparılıb. Lakin T.Abdullayevin həyatını xilas etmək mümkün olmayıb. S.Əsgəovun müalicəsi isə xəstəxanada davam etdirilir.
Məlumata görə hadisədən əvvəl S.Əsgərov T.Abdullayevə onu öldürəcəyini bildiribmiş. Hadisə vaxtı S.Əsgərov sərxoş olub.
Qeyd edək ki, T.Abdullayev S.Əsgərovun qızı T.Əsgərovanın ikinci ailəsi olub. S.Əsgərovun qızı T.Əsgərovanın iki övladı var.
Faktla bağlı araşdırma davam etdirilir.