Açıq havada təşkil olunan toylara 300 nəfərədək şəxs qatıla biləcək
Yunanıstanda açıq havada maska taxmaq məcburiyyəti sabahdan etibarən ləğv edilir.
AYNA xarici KİV-ə istinadən xəbər verir ki, iyunun 28-dən etibarən isə gecə küçəyə çıxma yasağı aradan qaldırılacaq.
Bildirilib ki, ayın 28-dən kafe, restoran və idman zalları kimi qapalı yerlərdə işləyən iki doz vaksin vurulmuş şəxslər üçün test məcburiyyəti olmayacaq.
Qeyd olunub ki, açıq havada təşkil olunan toylara 300 nəfərədək şəxs qatıla biləcək, çimərliklərdə 1000 kvadrat metr sahədə 120 nəfərin dincəlməsinə icazə veriləcək.
Qapalı mıkanlarda isə maskadan istifadə istisnasız olaraq məcburidir.