Çin ABŞ-ın müdafiə nazirləri arasında danışıqlar aparmaq təklifini rədd edib
Çin ABŞ-ın müdafiə nazirləri arasında telefon danışığı aparmaq təklifini rədd edib. AYNA.AZ xəbər verir ki, bu barədə “Nikkei Asia” (NA) məlumat yayıb.
Məlumatda deyilir: “ABŞ-ın müdafiə naziri Pit Heqset çinli həmkarı ilə telefon danışığı aparmağı təklif edib, lakin Çin tərəfi bundan imtina edib”.
Portal qeyd edib ki, bu, ABŞ Prezidenti Donald Trampın seçilməsindən sonra ən yüksək səviyyədə ilk hərbi təmas ola bilərdi. Bəlli olur ki, Pekin münasibətlərin yaxşılaşdırılması üçün aydın yol görmür və ABŞ müdafiə nazirinin son çıxışında diqqəti aqressiv dilə yönəldib.
Bundan əlavə, Heqsetin kimlərlə danışıqlar apara biləcəyi ilə bağlı hələ də fikir ayrılıqları var. Pekin müdafiə naziri Donq Cun belə hesab edir, ABŞ isə Çin Mərkəzi Hərbi Komissiyasının sədr müavini Chanq Youxie ilə dialoqda maraqlıdır.