Goranboyda evdən dəyəri 1 200 manat olan qızıl-zinət əşyaları oğurlanıb
Goranboy rayon sakinlərindən birinə məxsus evdən dəyəri 1 200 manat olan qızıl-zinət əşyaları oğurlanıb. AYNA xəbər verir ki, bu barədə Daxili İşlər Nazirliyinin (DİN) Mətbuat Xidmətindən bildirilib.
Rayon Polis Şöbəsinin əməkdaşlarının keçirdikləri tədbirlərlə cinayəti törətməkdə şübhəli bilinən G.Bağırova saxlanılıb.
Şübhəli şəxs ifadəsində törətdiyi əməli etiraf edərək həmin əşyaları Gəncə şəhərində satdığını bildirib.
Faktla bağlı araşdırmalar davam etdirilir.