"Söhbət təkcə 800 min rəqəmində deyil, onu kimin maliyyələşdirməsindədir”
“800 min şəxsi heyəti olan Ukrayna ordusu bütün Avropa tərəfindən maliyyələşdirilməlidir”. AYNA.AZ UNIAN-a istinadən bildirir ki, bu sözləri Ukrayna Prezident Aparatının müşaviri Mixaylo Podolyak deyib.
"Söhbət təkcə 800 min rəqəmində deyil, onu kimin maliyyələşdirməsindədir. Bu, çox böyük məbləğdir. Tammiqyaslı işğaldan əvvəl 250.000-300.000 nəfərlik bir ordu hədəfləyirdik", - deyə o bildirib.
Prezident Aparatının müşavirinin məlumatına görə, dron və raket istehsalı, xüsusən də çoxlu sayda qısa və orta mənzilli raketlər də inkişaf etdirilməlidir.
"Bunu kim maliyyələşdirməlidir? Biz inanırıq ki, bu, şərq sərhədi boyunca çəkindirici bir ordu, çəkindirici qüvvədir. Bütün Avropa bununla maraqlanmalı və investisiyalar bölüşdürülməlidir. O zaman bunun tamamilə fərqli bir format, tamamilə fərqli bir maliyyələşdirmə olacağı aydındır. Lakin formula Avropa tərəfdaşlarımızla razılaşdırıldıqdan sonra yekunlaşdırılacaq", - deyə qeyd edib.
Podolyak əlavə edib ki, 800.000 nəfərlik ordu peşəkar olmalıdır - insanlar müqavilələr imzalayacaq və "yaxşı pul müqabilində" orduya qoşulacaqlar.
Bundan əlavə, Podalyak bildirib ki, ordu sözdə "ümumavropa silahlı qüvvələrinə" tam inteqrasiya olunmalıdır.
"Yalnız onlar Rusiyanı cilovlamaq proqramının bir hissəsi olaraq şərq sərhədini qoruyacaqlar. Bütün bunları kim maliyyələşdirməlidir? Bu aydın olduqdan sonra düşünürəm ki, işə qəbul formulu, müqavilələr və sair də aydın olacaq. Başqa sözlə, hər şey açıqlanacaq", - deyə Podolyak yekunlaşdırıb.