“Baş nazir vəzifələrini vicdanla yerinə yetirəcəyimə söz verdim”
Ermənistanın Baş naziri Nikol Paşinyan xalqa müraciət edib. AYNA erməni mediasına istinadən bildirir ki, Paşinyan bu yaxınlarda hərbi əsirlərin dəyişdirilməsi prosesinə başlanılacağını açıqlayıb.
Bununla yanaşı, Baş nazir istefa verəcəyi haqqında da danışıb. O, deyib ki, istefa verməyəcək: “Vəzifəmdən yalnız xalqın iradəsi ilə ayrıla bilərəm. Baş nazir vəzifələrini vicdanla yerinə yetirəcəyimə söz verdim. İndi əsas vəzifə Ermənistandakı vəziyyəti sabitləşdirməkdir və bunun üzərində çalışmalıyıq”.