“Mənə Baş naziri vəzifəsinə namizəd olmaq şərəfini verdiyiniz üçün təşəkkür edirəm”
Ermənistanın hazırkı hakim “Mülki Müqavilə” Partiyasının daxili seçkilərinin iki mərhələsinin nəticələri başa çatdırılıb və ümumiləşdirilib. AYNA.AZ erməni mediasına istinadən bildirir ki, səsvermənin nəticələri ilə bağlı şikayətlər göstərilən müddətdə daxil olmayıb. Bununla da hazırkı Baş nazir Nikol Paşinyan rəhbəri olduğu partiyanın ölkənin Baş nazirliyinə namizədi seçilib.
"Hesabat Komissiyasının sədri Hakop Arşakyanın rəhbərlik etdiyi bütün üzvlərinə iki mərhələli qapalı gizli səsverməni yüksək səviyyədə və əslində qüsursuz təşkil etdiklərinə görə təşəkkür edirəm. Bütün partiya yoldaşlarıma bir daha mənə etimad göstərdikləri, "Mülki Müqavilə" Partiyasının seçki siyahısının başına namizəd göstərdikləri və Ermənistan Respublikasının Baş naziri vəzifəsinə namizəd olmaq şərəfini verdikləri üçün təşəkkür edirəm. Partiyanın siyasi ənənələrinə sadiq qaldıqları və Ermənistan Respublikasında yeni siyasi standart yaratdıqları üçün Partiya İdarə Heyətinə təşəkkür edirəm. Hamınızı sevirəm", - deyə Paşinyan qeyd edib.